遠方同學回港的情趣插曲

這件事情很有趣，雖然屬同學間的私人情節，也想在這裡公開分享，添加大家的生活情趣。

我因雙重病情剛去過急癥室，並留院一晚，至今病到有點暈坨坨；回家兩日後，接到一通電話：“陳忠我係溫宗禧。”“喂，你係邊處啊？”言談間知道對方和太太、女兒來了香港。“……我剛剛生蛇阿，……不如我約你去鏞記，起碼仲有甘琨禮”“阿，我太太幾個月前都生蛇……”

在鏞記定位後，我再去電：“溫宗禧，我地決定1月15號……”“好，叫多幾個同學啦，傾下計唧。”於是我通知左甘琨禮、尹惠來等幾個同學。尹惠來回應他在大陸，反建議我們1月16日參加彭國璋、吳崇铏等的晚宴，我答應並會轉告溫宗禧。

1月15號準時抵步，並請職員多加兩張椅，“好，我換張大枱……，你的朋友已經到左。”我看到陳惠民和……，咦？奇怪，那個他不是紐西蘭的……？我沒有招呼，打他們後面走去大枱；那兩位也過來，在我身後說：“你唔認得我？咁細粒好易認唧。”“我認到，但唔敢肯定，你點會係到？”隨即問陳惠民：“你帶距黎架？”“你叫我黎架嘛。”我開始懷疑是否自己疏忽，通知了卻不自知，決定要試探一下：“我生蛇呀，你地知唔知生蛇呀？”“我知，我太太剛生蛇過……”死勒，打電話俾我既原來係距――李學祺，唔係溫宗禧，於是問：“你既電話係唔係6440 xxxx？”“係呀。”“咁點解我回電話俾你話：溫宗禧我係陳忠；你又應我？”“欸……我隻耳背背地（重聽）……”原來一個病到暈坨坨，另一個隻耳背背地，當場大家大笑哈哈哈哈……。大家記唔記得早兩個月關卓華擺梁麗清既大烏龍？搞到要同各方面道歉，哈哈哈哈，睇情形，我地都老左勒……(^0^)。

（李學祺手機：6440 8861。各同學可以與他聯絡，但請勿太早或太夜，謝謝。）